Më 09 tetor 2011, pas namazit të drekës, në xhaminë tonë "Hëna e re" në Kreuzlingen u bë duaja e haxhilerëve të sivjetëm. Në fillim Shefket ef. Muaremi këndoi një asher, më pas haxhi Sadri Shabani këndoi një ilahije të bukur lidhur me hazreti Ibrahimin, më pastaj imami i xhamisë Rejhan ef. Neziri mbajti ligjëratën e rastit lidhur me vlerën e haxhit.
Më 15 maj 2011, e diel, pas namazit të drekës, në xhaminë tonë “Hëna e re” në Kreuzlingen u mbajt një program me rastin e përmbylljes së leximit të Kur’anit (hatmes) nga ana e katër grave në mësimin fetar të organizuar vetëm për gra të rritura pranë mektebit të xhamisë sonë, nën kujdesin e mualimes Ibadete Neziri.
Më 06 shkurt 2011, e diel, pas namazit të drekës, në xhaminë tonë në Kreuzlingen u mbajt një program i shkurtër me rastin e hatmes së 6 të rriturve nga mesi i xhematlinjve tanë.
Më 27 qershor 2010, e diel, pas namazit të drekës, në xhaminë tonë “Hëna e re” në Kreuzlingen u mbajt një program me rastin e përmbylljes së leximit të Kur’anit (hatmes) nga ana e tri grave në mësimin fetar të organizuar vetëm për gra të rritura pranë mektebit të xhamisë sonë.
Të shtunën, 22.08.2009, xhamia jonë shtroi një iftar për mbi 90 azilantë (muslimanë e jomuslimanë) të Qendrës për pranim të azilantëve në Kreuzlingen. Të pranishëm ishin edhe udhëheqës e ndihmës të kësaj qendre. Pas njoftimit që imami i xhamisë ua bëri të pranishmëve rreth xhamisë sonë dhe aktivitetet e saj, u sqaroi atyre edhe parimet bazë të Islamit.
Më 15 qershor 2009, pas namazit të akshamit, në xhaminë tonë në Kreuzlingen u mbajt një tribunë fetare, ku u trajtua kryesisht çështja e gjendjes së ummetit islam në pergjithësi dhe e muslimanëve në Perëndim. Të pranishëm ishin mysafirët nga vendlindja: Dr. Metin Izeti, Dr. Musa Musai, Dr. Qani Nesimi dhe Mr. Selver Xhemaili.
Më 21 mars 2009, pas namazit të akshamit, Bashkësia Islame Shqiptare “Hëna e re” dhe Forumi i të Rinjve Muslimanë nga Kreuzlingeni, për hir të ditëlindjes së Muhammedit a.s. organizuan një kuiz diturie për të reja e të rinj. Kuizi i zhvillua në Qendrën Kulturore e Sportive “Dreispitz” të Kreuzlingenit...
Më 16.11.2008, ditë e diel, në ora 11:45 në xhaminë tonë filloi prezantimi përmes video-bimerit e mënyrës së kryerjes së haxhit. Prezantimin e udhëhoqi imami i xhamisë Rejhan ef. Neziri.
Pas faljes së namazit të drekës u bë edhe duaja për nisjen e haxhilerëve për në vendet e shenjta, që do të bëhet më 23. dhe 24.11.2008 nga aeroporti i Gjenevës, nën udhëheqjen e Nebi ef. Rexhepit dhe imamëve të tjerë përcjellës.
Imami Rehan Neziri pas pushimeve verore ka përshëndetur për herë të parë 24 nxënësit muslimanë të klasës së katërt të Kreuzlingenit – në gjuhën gjermane dhe pa shami. Dyshimet rreth sigurisë të SVP-së (Partisë Popullore Zvicerane) kundër këtij projekti fetar për integrim pritet t’i mënjanojë qeveria e kantonit Thurgau.
Në qytetin e Kreuzlingenit të kantonit të Thurgaut në Zvicër në Zvicër, dje më 12 prill 2008, u bë hapja e objektit të xhamisë së re. Në aktin solemn, merrnin pjesë krerët e bashkësive fetare nga Maqedonia, Kosova si dhe autoritetet e komunës dhe të kishës katolike të Kreuzlingenit. Në hyrje të këtij objekti sapo të rinovuar, shiritin e prenë Myftiu i BI të Kosovës, Naim ef. Tërnava, kryetari i Komunës së Kreuzlingenit, Andreas Netzle dhe Reis ul-Ulema i BI të Maqedonisë, Sulejman ef. Rexhepi.
Seite 22 von 22
Xhamitë & kohët e namazeve
Vizito web faqen e imamit tonë
