Dita e Flamurit Shqiptar - 2024
Me rastin e kremtimit të Ditës së Flamurit shqiptar, më 29 nëntor 2024 xhamia jonë organizoi një mbrëmje kulturore në kafeterinë e saj. Respekte dhe mirënjohje të pafund u shprehim dashamirëve dhe kultivuesve të muzikës burimore folklorike shqiptare: Besim Abdii, Sylë Ahmetaj, Muhamet Lazami, Idris Osmani, Bilall Aliti si dhe mysafirit nga vendlindja Gadaf Elmazi.
"Marrëdhënit mes nënës dhe vajzës adoleshente"
Më 25 tetor 2024 Forumi i Grave pranë xhamisë sonë organizoi një ligjëratë shkencore lidhur me temën "Marrëdhënit mes nënës dhe vajzës adoleshente". Ligjëruese ishte mualimja jonë znj. Ibadet Neziri. Në fund pati pyetje dhe përgjigje. Mbrëmja u përmbyll më një Apero të përgatirur nga vetë Forumi i Grave. Faleminderit për pjesëmarrjen dhe mirë u takofshim në rastet tjera.
Iftari i përbashkët me xhematlinjtë
Më 24 mars 2024 xhamia jonë, në sallën për kulturë «Dreispitz» organizoi një iftar të përbashkët me xhematlinjtë tanë, ku morën pjesë mbi 300 persona.
Shëtitje me nxënësit për në Allensbach
Më 30 qershor 2024 xhamia jonë organizoi shëtitjen e radhës me nxënësit që e ndjekin mësimin islam në xhami. Destinacioni ishte parku për rekreim në Allensbach të Gjermanisë. Transporti si gjithmonë me "Durmo Tours". Allahu ua shtoftë mirësitë dhe bereqetin!
Forumi Rinor syfyr në xhami
Forumi Rinor i xhamisë sonë sot, më 17 mars 2024, organizoi syfyr në xhami. Pas syfyrit u fal edhe namazi i sabahut me xhemat. Allahu i ruajttë të rinjtë e të rejat tona nga e keqja dhe i mbuloftë me mëshirën e Tij të pakufishme!
Koncerti islam 2024
Më 24 shkurt 2024, xhamia jonë e mbajti koncertin e radhës, tashmë tradicional, në sallën „Dreispitz“, këtu në Kreuzlingen. Pas këndimit të Kur'anit nga hfz. Armend ef. Beqiri, pasuan fjalët përshëndetëse të kryetarit të xhamisë, Besir Halili, të imamit Rehan ef. Neziri dhe të nënkryetarit të KMSHZ-së, Dr. Besim ef. Nuzi.
Mysafir në xhaminë tonë myftiu i Shkodrës, Muhamed ef. Sytari
Sot, më 17 shkurt 2024, në namazin e drekës, në xhaminë tonë na nderoi myftiu i Shkodrës, Muhamed ef. Sytari, i cili paraprakisht mbajti një ligjëratë me temë: „Toleranca ndërfetare, veçanti e popullit shqiptar“. Tesktin e plotë mund ta lexoni këtu në PDF.
Ligjëratë për gratë: "Si të sillemi në rast vdekjeje?"
Më 16 shkurt 2024, pas namazit të jacisë, Forumi i Grave pranë xhamisë sonë organizoi një ligjëratë enkas për gratë me temën "Si të sillemi në rast vdekjeje?". Ligjëruese ishte mualimja jonë znj. Ibadet Neziri. Allahu ju shpërbleftë për pjesëmarrjen!
Vendi i dytë në turne futbolli në Amriswil
Ekipi i xhamisë sonë sot, më 11 shkurt 2024, mori pjesë në turneun e futbollit në sallë, të organizuar nga KF „Labinoti“ në Amriswil, dhe me këtë rast fitoi vendin e dytë, në mesin e 24 ekipeve gjithsej. Djemve tanë ua urojmë këtë fitore dhe u dëshirojmë arritje edhe më të mëdha në të ardhmen!
"Ist die Bibel frauenfeindlich?"
Der Runde Tisch der Religionen in Kreuzlingen organisierte am 13. Februar 2024 einen Vortrag zum Thema "Ist die Bibel frauenfeindlich?". Referentin war Dr. theol. Frau Moni Egger. Die Veranstaltung fand in unserer Moschee im Rahmen der Woche der Religionen statt.
Seite 4 von 22
